Арматуралық болат кескішке арналған қауіпсіздік техникасының нұсқаулары

Қолыңызды кесу аймағынан және айналмалы ара төсемінен алшақ ұстаңыз. Ауыр жарақат алуыңыз мүмкін.

Өнімді әрдайым екі қолыңызбен арнайы тұтқаларынан ұстаңыз және жұмыс кезінде кесу аймағына қол сұқпаңыз. Тұтқаларды құрғақ, таза және майсыз күйде ұстаңыз. Осылайша қолайлы әрі қауіпсіз жұмыс қамтамасыз етіледі.

• Электр құралын ешқашан тірек тақтасынсыз пайдаланбаңыз. Тек тірек тақтасы орнатылған жағдайда қолайлы әрі қауіпсіз жұмыс қамтамасыз етіледі.

• Тек өнім үшін рұқсат етілген, техникалық деректердегі спецификацияларға сай келетін ара төсемдерін пайдаланыңыз. Ара төсемдері өзге мақсаттармен пайдаланылса, бұл шамадан артық тозуға, төсемнің ажырауына, азайтылған кесу қуатына және шамадан артық жылу шығарылуына әкелуі мүмкін. Нәтижесінде ара төсем зақымдалуы және ауыр жарақат тигізуі мүмкін.

• Мұқалып қалған және зақымдалған ара төсемін пайдаланбаңыз. Тістері мұқалып қалған немесе ығысып кеткен ара төсемі тым тар кесу саңылауына байланысты қатты үйкеліске, ара төсемінің бұғатталуына және кері соққыға әкеледі.

• Қажетті іздеу құралдарын пайдаланып жасырылған сымдарды табыңыз немесе жауапты жергілікті ұйым өкілдерін шақырыңыз. Электр сымдарына тию өрт немесе тоқ соғуына алып келуі мүмкін. Газ құбырын зақымдау жарылысқа алып келуі мүмкін. Су құбырын зақымдау материалдық зиянға алып келуі мүмкін.

• Кескіш керек-жарақтың жасырын сымдарға тиюіне әкелуі мүмкін жұмысты өткізген кезде, электр құралын тек оқшауланған беттерінен ұстаңыз. Қуаттандырылған сымға тиген жағдайда, электр құралының шығып тұрған металл бөлшектерін де қуаттандырып, пайдаланушыны ток соғуы мүмкін.

• Электр құралын, ол жұмыс күйіне келтірілгеннен кейін ғана іске қосыңыз және оны екі қолмен берік ұстап тұрыңыз. Осылайша бақылаусыз кері соққының алдын аласыз.

• Жұмыс барысында ыстық және өткір қырлы металл жоңқасы пайда болуы мүмкін және ол теріге тиген жағдайда теріні жаралап және күйдіріп алуы мүмкін. Тығыз жанасатын киім киіп жүріңіз.

• Кесу әрекетін, электр құралы өзінің максималды айналу жиілігіне жеткеннен кейін ғана бастаңыз. Ара төсемі дайындамаға қозғалтқыштың іске қосылуына дейін тисе, артық жүктеме пайда болып, ара төсемінің зақымдалуына әкеледі және пайдаланушы ауыр жарақат алуы мүмкін.

• Кері соққы орын алса, дайындамада кесу әрекетін жалғастырмаңыз. Электр құралын дайындамадан шығарып, ара төсеміне өзінің толық айналу жиілігіне жетуге мүмкіндік беріңіз де, кесуді абайлап жалғастырыңыз. Электр құралын дайындама ішінен шығармай қайта іске қоссаңыз, ара төсемі қайтадан бұғатталуы немесе кері соққы орын алуы мүмкін.

• Ара төсемі кесік ішінде тұрып қалса немесе қысылып қалса, ол бұғатталып, кері соққы орын алуы мүмкін. Бұл электр құралының бақылаусыз қозғалысын тудыруы мүмкін.

• Жұмыс кезінде ұшқын мен ыстық металл жоңқасы пайда болып, айналадағы жеңіл тұтанғыш материалдарды жандыруы немесе үстіңгі беттерге зақым келтіруі мүмкін. Жұмыс ортасында жанғыш материалдардың жоқтығына көз жеткізіңіз және сезімтал беттерді қорғаңыз.

• Жұмыс кезінде электр құралының бастиегін ұстамаңыз. Ол қатты қызып кетуі және сізге жарақат тигізуі мүмкін.

• Ара төсемі мен басқа металл бөлшектер ыстық болуы және олардың жиектері өткір болуы мүмкін. Ара төсемін алмастыру кезінде қорғаныш қолғап киіп жүріңіз.

• Биікке шығып жұмыс істеу кезінде астыңызда ешкім тұрмағанына көз жеткізіңіз. Жоңқаның немесе материал қалдығының құлауы апаттық жағдай тудыруы мүмкін.

• Алмалы-салмалы аспап толық тоқтамайынша, электр құралын босатушы болмаңыз. Айналып тұрған алмалы-салмалы аспап қолыңызға ауыр жарақат тигізуі немесе жұмыс бетіне тиіп, бақылаусыз жылжып кетуі мүмкін.